Resumen
A presente comunicación recolle o proceso de redacción do “Protocolo
para a prevención do acoso sexual” nas aulas dun centro de secundaria
e algunhas reflexións xurdidas durante a elaboración. Consideramos que
reflexionar de forma crítica sobre como abordamos a violencia sexual
debe ser un paso previo á elaboración dos documentos que permitan
a toda a comunidade educativa sensibilizarse, previr e actuar en casos
de acoso sexual. O protocolo que aquí relatamos aínda está en fase de
elaboración e debate no centro, xa que percibimos que eran necesarios
dous cursos académicos, como mínimo, para a súa posta en funcionamento.
Gustaríanos que o traballo realizado durante este curso académico
2018-2019 no IES Politécnico de Vigo, no marco do Contrato-Programa,
poida servir para dar luz ou inspirar futuros debates nos centros de
ensino no ánimo de mellorar as ferramentas das que dispomos como
docentes no referido ao tratamento e prevención da violencia.